Tolosaldeko Hitza

Pobreen jana, gaur, gutizia bihurtu da

orexa » Kultur Hamabostaldiko ekitaldien baitan, taloak egiten jarri ziren atzo orexarrak. Artirina, ura eta gatza hartu, hauekin masa egin eta astintzen hasi ziren, garai batean etxekoandre askok egiten zuten bezala. Baina, hau bakarrik jateko lehorra geratzen denez, honi laguntzeko, txistorra, hirugiharrea, eta txokolatea izan zituzten, barrura sartzen laguntzeko. Adin guztietako orexarrek ikasi zuten beraz atzo, taloak nola egiten eta jaten diren. Ekitaldiekin jarraituz, gaur XX. Uitzi-Orexa ibilaldia izango da goizean. Ondoren, 14:00ak aldera, herri bazkaria, trikitilariek alaituta. e. ezeiza